Nxënësit e Diasporës vijuan programin ditën e sotme në qytetin e Shkodrës, duke vizituar muzeun kombëtar të fotografisë “Marubi” dhe Teatrin “Migjeni“.
Shkodra është një prej qyteteve më të vjetra të Shqipërisë, me një histori banimi mijëvjeçare në qytet dhe krahinë. I çmuar ndër kohëra të ndryshme si nyjë me rëndësi gjeostrategjike prej afërsisë mes malësive, liqenit, detit dhe rrugëve me rëndësi në kuadrin e Ballkanit Perëndimor.
Në mesin e shekullit të tretë p.k. përmendet si kryeqendra e mbretërisë së parë të Ardianëve. Scodra ishte më e mirëmbrojtura dhe më e vështira për t’u pushtuar nga të tëra fortifikatat e fisit labeat.