Emina Cunmulaj lindi në Miçigan dhe u zhvendos në Mal të Zi me prindërit e saj në moshën 5 vjeçare. Ajo u bë pjesë e botës së modelimit në moshën 17 vjeçare. Pasi fitoi konkursin e Elite Model Look Yugoslavia në 2001, Cunmulaj u zhvendos në Nju Jork, ku u angazhua me shumë agjenci ndërkombëtare të modelimit.
Cunmulaj ka dhuruar kohën e saj për disa nga çështjet shqiptare në mbështetje të bashkatdhetarëve të saj. Ajo i ka dhënë popullit shqiptar një arsye tjetër për të qenë krenarë. Cunmulaj është një element i rëndësishëm i revistave të modës shqiptare dhe shumicës së aktiviteteve shqiptare në botë.