Agjencia Kombëtare e Diasporës mbështet dhe promovon përfshirjen e shqiptarëve të diasporës në zhvillimin ekonomik dhe social të vendit, përmes informimit dhe orientimit mbi mundësitë konkrete të rikthimit dhe punësimit në Shqipëri.

Në këtë kuadër,nga janari 2026, Agjencia Kombëtare e Diasporës do të publikojë informacione të detajuara për mundësitë e punësimit dhe angazhimit profesional në Shqipëri për shqiptarët që jetojnë jashtë vendit.

Po e fillojmë me Agjencia Kombëtare e Punësimit dhe Aftësive (AKPA)

AKPA ka krijuar portalin e dedikuar “Puno dhe Jeto aty ku ke zemrën”, një platformë gjithëpërfshirëse informacioni për shqiptarët që jetojnë dhe punojnë jashtë vendit dhe që synojnë të rikthehen për të ndërtuar karrierën e tyre profesionale në Shqipëri.

Ky portal, pjesë e portalit kombëtar të punësimit puna.gov.al, funksionon si një qendër orientimi dhe informacioni, duke ofruar udhëzime të detajuara dhe praktike për:

  • integrimin profesional në tregun shqiptar të punës,

  • procedurat administrative të rikthimit,

  • aksesin në shërbime publike,

  • dhe mënyrat e aplikimit për secilin shërbim.

Portali “Puno dhe Jeto aty ku ke zemrën” synon të lehtësojë procesin e rikthimit dhe vendimmarrjes për bashkatdhetarët tanë, duke ofruar informacion të qartë, të strukturuar dhe të përditësuar mbi mundësitë konkrete për punësim dhe kontribut profesional në Shqipëri.

Më shumë informacion:

https://punoneshqiperi.gov.al

https://www.puna.gov.al

Jeton jashtë dhe po mendon të rikthehesh në Shqipëri?

Qëndroni të informuar!