Më 26 prill 2025, në ambientet e Universitetit Westminster-it në Londër, u zhvillua për herë të parë një aktivitet kushtuar kulturës, artit dhe trashëgimisë shqiptare. Shoqata e Grave Britaniko-Shqiptare në bashkëpunim me Fondacionin “Tradita Popullore”, Universitetin e Westminster-it dhe Agjencia Kombëtare e Diasporës, organizuan këtë aktivitet kaq kuptimplotë.
Në emër të Agjencisë, aktivitetin e përshëndeti Drejtoresha Ekzekutive znj. Ermonela Xhafa, e cila theksoi se trashëgimia kulturore shqiptare është pasuri e vyer që duhet ruajtur dhe përcjellë brezave. Ajo vlerësoi rolin e diasporës në ruajtjen e identitetit kombëtar dhe theksoi rëndësinë e të rinjve shqiptarë jashtë vendit si ambasadorë të denjë të kulturës sonë. Znj. Xhafa theksoi edhe angazhimin e MEPJ në mbështetje të studentëve shqiptarë jashtë vendit.
Znj. Edlira Sula, drejtuese e Fondacionit “Tradita Popullore”, solli një prezantim mbi veshjet tradicionale shqiptare përmes slide-ve, videove dhe një ekspozite mbresëlënëse.
Programi përfshiu:
Fjalime përshëndetëse, Valle tradicionale, Ekspozitë veshjesh autentike, Dokumentarë, Muzikë tradicionale me çifteli
Një ditë e paharrueshme që na riktheu në rrënjët tona!
Aktivitete të tilla do të zhvillohen edhe në universitete të tjera prestigjioze, duke përhapur më tej kulturën dhe traditat shqiptare në mbarë botën.
