Takimi i Mjekësisë në Diasporë është një takim i përvitshëm që organizohet nga Agjencia Kombëtare e Diasporës me mbështetjen e Ministrit të Shtetit për Diasporën dhe Ministrisë së Shëndetësisë dhe Mbrojtjes Sociale.

Qëllimi i takimit është rritja dhe forcimi i bashkëpunimit me diasporën shqiptare, promovimi i vlerave të Diasporës në fushën e shëndetësisë dhe nxitja e bashkëpunimit mes mjekëve në Diasporë dhe mjekëve në Shqipëri. Ky aktivitet është parashikuar të zhvillohet në tre panele diskutimi, me pjesëmarrjen e përfaqësuesve të profesionistëve të shëndetësisë nga Diaspora dhe nga sistemi ynë shëndetësor.