Këshilli Koordinues i Diasporës

Këshilli Koordinues i Diasporës përfaqëson dhe koordinon marrëdhëniet me diasporën.

[/fusion_text]
Kanada – Adriana Fishta-Bejko

Doktor i shkencave në psikiatri me fokus në përvetësimin e gjuhëve të huaja. Znj. Fishta-Bejko është një intelektuale e njohur si mësimdhënëse, autore dhe studiuese shkencore. Gjatë 42 viteve si edukatore ka arritur të krijojë raporte me drejtues në fushën e arsimit, prindërve dhe nxënësve, duke pasur influencë pozitive në vende të ndryshme të botës me mësimdhënie në disa kontinente dhe shumë shtete. Për arritjet e saj në fushën e arsimit në vitin 2002 ajo u laureua me çmimin “Who’s Who” për kontinentin Amerikan dhe çmimin e dytë për “Emigrant of Achievement”, Calgary, Alberta. Në maj 2018 ajo u zgjodh kryetare e bordit të shkollës “Foleja e Shqiponjave” në Calgary, Alberta.

Francë – Anila Hyka Smorgrav

Profesioniste në fushën e IT dhe telekomit. Ka kryer studimet me rezultate të shkëlqyera Master në Oslo për IT njëkohësisht filloi të punojë si pedagoge pranë këtij institucioni. Është diplomuar dhe me master MBA në ESCP Europë, një nga shkollat e biznesit me prestigjioze të Europës. Njëkohësisht ajo drejton projekte dhe është konsulente biznesesh të rëndësishme në gjithë Evropën. Aktiviste e organizatave shqiptare në migracion, drejtuese e shoqatës franko-shqiptare “Albania” në Paris.

Hollandë – Ardian Lekaj

Lekaj është një histori suksesi në fushën e biznesit evropian dhe më gjerë. Ka mbaruar studimet për ekonomi në Universitetin e Tiranës ndërsa studimet Master i ka kryer në Hollandë për sigurime shoqërore. Që prej 1991 jeton në Hollandë duke drejtuar një sërë projektesh në infrastrukturë në të gjithë Evropën. Është një ekspert i rëndësishëm financiar duke drejtuar biznese dhe projekte me vlera të konsiderueshme financiare. Z. Lekaj është aktivist dhe mbështetës i komuniteteve shqiptare jashtë vendit.

Kanada – Ardian Radovicka

Me pasion pikturën edhe pse me profesion inxhinier, ka emigruar ne Kanada në 2006, ku zhvillon aktivitete të ndryshme artistike dhe kulturore. Z. Radovicka jep një ndihmë të çmuar sidomos ndaj edukimit dhe këshillimit të karrierës së të rinjve shqiptarë në Kanada duke i orientuar drejt tregut kanadez të punës. Në 2016 zgjidhet anëtar i klubit të Artit “Don Valley”.

Australi – Bashkim Bekiri

Bekiri është Kryetar i Shoqatës së Komunitetit Shqiptaro –Australian. Ai ka merita të veçanta në organizimin e komunitetit shqiptar në Australi duke mbajtur njëkohësisht lidhjet me vendlindjen. Ka iniciuar një sërë aktivitetesh kushtuar kulturës dhe traditës shqiptare duke qenë një protagonist i komunitetit shqiptar në Australi.

Britani e Madhe – Brikena Muharremaj

Avokatja e parë shqiptare femër në Mbretërinë e Bashkuar që në vitin 2005. Znj. Brikena ka kryer studimet Bachelor në Drejtësi në Universitetin Westminster në Londër. Prej 5 vitesh është kryetare e shoqatës se Avokatëve Shqiptarë në Mbretërinë e Bashkuar (BALA). Aktualisht është e licensuar në Londër si Barrister, avokate me të drejta te përfaqësimit në të gjitha gjykatat në Angli dhe në Wells. Aktiviste e njohur në komunitetin shqiptar në Britaninë e Madhe.

Britani e Madhe – Endri Hatillari

Z. Hatillari është i lindur në Tiranë, dhe jeton prej mëse dymbëdhjetë vitesh në Britani të Madhe, ku edhe ka kryer studimet Universitare dhe ato pas Universitare për “Menaxhim Zhvillimi (Development Management)” duke u diplomuar me ‘Master Shkencor’. Eksperienca e tij profesionale konsiston në shumë pozicione menaxheriale duke punuar për një sërë korporatash ndërkombëtare, si në sektorin e ‘Telekomunikacionit’, atë të ‘Sistemit Bankar’, si dhe në organizata ndërkombëtare “Jo Qeveritare”, “Autoritete Lokale” në Londër, dhe “Sistemin Arsimor Universitar”. Aktualisht Z. Hatillari punon në Bashkinë e Brent, në veri-perëndim të Londrës, në Departamentin e Strehimit, çka i mundëson një kontakt të përditshëm me komunitetin Shqiptar në Britani. Ai u përzgjodh si kandidat në zgjedhjet lokale të vitit 2018 për Bashkinë “Harrow” në veri të Londrës dhe prej shumë vitesh luan një rol tepër aktiv në konsolidimin dhe promovimin e vlerave të komunitetit shqip-folës në Britaninë e Madhe.

SHBA – Esmeralda Mosko

Këshilltare bordi e Organizatës së Gruas Shqiptaro-Amerikane “Motrat Qirjazi” me qendër në New York. Themeluese e Fondacionit “Global Albanians Foundation”. Interesat e saj janë të fokusuara në të drejtat e fëmijëve, advokimin për edukimin dhe të drejtat e njeriut. Fillimisht ka punuar në ambasadën e SHBA-së në Tiranë ku i është dhënë titulli i nderit “Meritorious Honor Award” nga Departamenti Amerikan i Shtetit.

Greqi – Gazmend Kapllani

Kapllani ka kryer studime doktorale në shkenca Juridike dhe Filozofi ne Athinë. Ai prej vitesh është profesor në universitet dhe ka një sërë publikimesh politike, letrare ne gjuhën greke si dhe ka realizuar disa kërkime shkencore. Ka kontribut aktiv në jetën politike në shtetin grek si dhe pjesëmarrje aktive në disa konferenca ndërkombëtare. Aktualisht është shkrimtar i suksesshëm, dramaturg, gazetar dhe mbrojtës i të drejtave të migrantëve shqiptarë në Greqi

Gjermani – Lazim Destani

Lindur në Tetovë, ka emigruar në moshë të hershme drejt Gjermanisë për arsye ekonomike. Në 1987 themelon biznesin parë me objekt transportin, “Sharri Tours”. Ka ndjekur çështjen shqiptare në rajon i shqetësuar për papunësinë dhe situatën ekonomike. E konsideron detyrë humanitare dhe patriotike mbështetjen e vazhdueshme dhe progresive në arsim, sport dhe kulturë. Ka marrë disa tituj nderi si nga autoritetet me të larta shqiptare: “Doctor Honoris Causa” në Universitetin e Tetovës; Medaljen meritave nga Presidenti i Republikës së Kosovës; dhe titullin “Nderi i Kombit” nga Presidenti i Republikës së Shqipërisë në 2012.

SHBA- Mark Gjonaj

Këshilltar në Bashkinë e New York-ut, ku përfaqëson Distriktin e Bronxit. I diplomuar në “Saint John’s University”, z. Mark Gjonaj është i pari shqiptaro-amerikan në bashkinë e New York-ut zgjedhur që prej 2017, ndërsa në 2012-2017 ka qenë anëtar i asamblesë së shtetit të New Yorkut. Aktivist i hershëm në çështjen e Diasporës shqiptare në shërbime filantropike duke dhënë një kontribut të vazhdueshëm për kauzën shqiptare.

Turqi – Namik Shabi

Kryetari i shoqatës “Vatra” në Turqi me aktivitet të rëndësishëm në promovimin e shqiptarëve në shoqërinë turke, njëkohësisht edhe lobues për investimet e huaja në trevat shqiptare. Z. Shabi ka kontribut në ngritjen e qendrave kulturore shqiptare si dhe rimëkëmbjen e shoqatave shqiptare në Turqi. Z. Shabi ka qenë organizator i një sërë aktivitetesh me pjesëmarrje të gjerë të komuniteti shqiptar në shtetin e Turqisë.

Itali – Rosario Petta

Kryetar Bashkie në “Piana dei Albanesi”, komuna arbëreshe në Itali. Ai ka kontribut të vyer në ruajtjen e gjuhës dhe traditave arbëreshe si dhe organizimet kulturore si kryetar bashkie dhe anëtar i këshillit bashkiak prej vitesh. Z. Petta është aktivist dhe koordiantor i dalluar në aktivitetet e organizuara nga komuniteti arbëresh, sidomos në marrëdhënie me vendin e origjinës.

Zvicër – Sokrat Sinaj

I lindur në nëntor 1956, Sokrat Sinaj studioi shkencat bujqesore në
Institutin e Lartë Bujqësor në Kamëz, Tiranë. Në vitin 1993 mbrojti me
rezultate maksimale doktoraturën (PhD) për shkencat bujqësore në
Institutin Kombëtar Politeknik të Lorenës, Nancy, Francë. Mbas
doktoraturës për dy vjet ka kryer nje qëndrim postdoctoral në Qendrën
Kombëtare Franceze të Kërkimit Shkencor (CNRS) po në Nancy, Francë.
Nga viti 1995 për 12-vjet punoi si Profesor i asociuar në Departamentin e
Agronomisë të Universitetit Politeknik Federal te Zyrihut (ETHZ) në Zvicër
dhe nga viti 2007 është përgjegjës për kërkimet shkencore në fushën e të
ushqyerit të bimëve bujqësore, në Institutin Kombëtar të Kërkimeve
Bujqësore (AGROSCOPE), Zvicër. Ne vitin 2005 ështe kualifikuar
Profesor i Universiteteve franceze nga Ministria franceze e Arsimit dhe
Shkencës dhe Profesor i Republikës së Shqipërisë nga Ministria shqiptare
e Arsimit dhe Shkencës. Sinaj ka koordinuar projekte të shumta shkencore
me impakt nderkombëtar dhe ka publikuar më shumë se 150 artikuj në
revistat shkencore me prestigjoze te fushës. Ai është anëtar i komiteteve
shkencore për disa revista ndërkombëtare dhe mbështet aktivisht
interesat e komunitetit shqiptar jashtë vendit.

SHBA – Visar Tasimi

Themelues i shkollës shqipe në Waterbury në 2011, njëkohësisht themelues i bursës vjetore “Albanian Community Scholarship” dhe drejtor i festivalit artistik shqiptar në Waterbury. Ka bashkëpunime të vazhdueshme me senatin amerikan dhe ka qenë disa herë i ftuar në kuvendin e Connecticut për mbrojtjen e mësimit në gjuhën shqipe dhe njohjes së lejeve të drejtimit në SHBA.